N’Asturies, sumase al proyeutu supon afalar l’emplegu de productos como: la faba fresco, la sidra d’escoyeta, la escanda y d’animales como: la oveya xalda o’l gochu asturcelta. Con ello, preténdese puxar pola creación d’un texíu productivu y pola cocina de temporada. Los cocineros asturianos qu’anguaño tán aconceyaos nesti movimientu son:

Viri Fernández del Llar de Viri (San Román, Candamu)

Ramón Celorio de Los Arcos (Cangues d’Onís)

Lluis Nel Estrada de la Sidrería Tierra Astur (Cualloto, Siero)

Ivonne Corral de Casa Telva (Valdesoto, Siero)

María Busta de Casa Eutimio (Llastres, Colunga)

Joaquina Rodríguez de Casa Chema (Puerto, Uviéu)

Koldo Miranda del Restaurante Koldo Miranda (La Cruz d’Illes, Castrillón)

“Me sorprende que haya mas preocupación por la toponimia que por las inversiones. Que alguno intente viajar en el diccionario”

@JesusIglesiasIU

Direición Xeneral de Política Llingüística

Programa: Promoción del asturianu

GASTOS DE PERSONAL                                                       414.210

ALTOS CARGOS

RETRIBUCIÓN DE DIREUTOR XENERAL Y ASIMILAOS

Direutor Xeneral y asimilaos                                                 60.020

PERSONAL FUNCIONARIU Y ESTATUTARIU

RETRIBUCIONES DE PERSONAL FUNCIONARIU Y ESTATUTARIU

Retribuciones de personal funcionariu                               194.750

PERSONAL LABORAL

RETRIBUCIONES DE PERSONAL LLABORAL

Retribuciones de personal llaboral                                        72.330

CUOTES SOCIALES A CARGU DEL EMPLEADOR

CUOTES SOCIALES A CARGU DEL EMPLEADOR

Cuotes sociales                                                                         87.110

GASTOS EN BIENES CORRIENTES Y SERVICIOS   699.524

ARRENDAMIENTOS Y CÁNONES

EDIFICIOS Y OTRES CONSTRUCCIONES

Edificios y otres construcciones                                            25.200

IGUA Y CONSERVACIÓN                                                  4.500

EDIFICIOS Y OTRES CONSTRUCCIONES

Edificios y otres construcciones                                              3.600

MOBLAME Y PRESEOS

Moblame y preseos                                                                     900

MATERIAL, SUMINISTROS Y OTROS                  653.624

MATERIAL D’OFICINA                                                         1.950

Material ordinario non inventariable                                     1.350
Llibros, revistes y otres publicaciones                                      600

TRESPORTE

Tresporte                                                                                     900

DELLOS GASTOS                                                               613.600

Atenciones protocolaries y representatives                         1.000
Información, publicidá y promoción d’actividaes            120.000
Edición y difusión de publicaciones                                      60.000
Xuntes y conferencies                                                          430.000
Cursos de formación                                                                 2.600

TRABAYOS FECHOS POR OTRES EMPRESES                37.174

Estudios, trabayos téunicos y proyeutosd’investigación   35.674
Servicios de calter informáticu                                                   800
Informes, dictámenes y honorarios profesionales                   700

INDEMNIZACIONES POR RAZÓN DE SERVICIU

DIETES Y LLOCOMOCIÓN

Dietes y llocomoción                                                               16.200

TRESFERENCIES CORRIENTES                                   1.021.300

A LA UNIVERSIDÁ D’UVIÉU

SUBVENCIONES EN MATERIA D’EDUCACIÓN Y CULTURA

A la Universidá d’Uviéu.
Observatoriu neoloxía asturiana                                          19.500

CORPORACIONES LLOCALES                                   312.600

SUBVENCIONES EDUCACIÓN Y CULTURA

Pa la normalización del asturianu                                      115.500
Mancomunidá Comarca de la Sidra                                     19.800
Mancomunidá Cabu Peñes                                                   18.000
Conceyu d’Avilés                                                                    16.200
Conceyu Siero                                                                         18.000
Conceyu Mieres                                                                      11.700
Conceyu Llangréu                                                                  18.000
Conceyu Ḷḷena                                                                         18.000
Conceyu Cangas del Narcea                                                  18.000
Conceyu Samartín del Rei Aurelio                                        11.700
Conceyu Corvera                                                                    16.200
Conceyu Llaviana                                                                    11.700
Mancomunidá Ozcos-Eo                                                        19.800

       EMPRESES PRIVAES                                                      422.000

SUBVENCIONES EDUCACIÓN Y CULTURA

Pa la normalización del asturianu                                         40.000
Pa la promoción de la música n’asturianu                            30.000
Pa la producción cinematográfica y de vídeu                       20.000
Normalización del asturianu medios de comunicación     200.000
Pa publicaciones n’asturianu                                                132.000

        INSTITUCIONES ENSIN FINES DE LLUCRU       267.200

TRESFERENCIES CORRIENTES

Academia de la Llingua Asturiana                                       167.900

SUBVENCIONES EDUCACIÓN Y CULTURA                    99.300

Pa la normalización del asturianu                                          54.500
Premios lliterarios en llingua asturiana                                25.000
A la Fundación Parque Históricu del Navia                          19.800

TOTAL: 2.135.034

Los partidarios del decrecimientu escuchen davezu coses como “¡el decrecimientu yá ta teniendo llugar!”. Ye un pocu azotáu. El nuestru crecimientu pue ser feble, pero aínda nun entremos en crecimientu negativu. Con un PIB de mil billones d’euros, un 1% de crecimientu sigue siendo diez billones, lo qu’equival al 10% del PIB d’un país con namái cien billones d’euros (niveles nos que se mueven los países del Sur). Esto sigue siendo demasiáu pa la rexeneración de la biosfera. Pero, lo que ye más importante, un proyeutu de sociedá de decrecimientu ye radicalmente distintu al crecimientu negativu. Lo primero sedría comparable a un austeru tratamientu al que nos sometemos voluntariamente p’ameyorar el nuesu bientar énte l’amenaza de la obesidá por un consumu escesivu. Lo segundo sedría una dieta forciosa que pue matanos de fame. Díxose una y otra vegada: nun hai nada peor qu’una sociedá de crecimientu ensin crecimientu.

Sabemos que si, a cencielles, el crecimientu se ralentízare, les nueses sociedaes sumiríen na confusión por mor del paru, l’aumentu de la fienda ente los ricos y los probes, el descensu del poder adquisitivu de los más probes de la sociedá y pol abandonu de los programes sociales, sanitarios, educativos, culturales y medioambientales qu’aseguren un mínimu nivel de vida. Si tenemos que camudar de direición, esti va ser el retrocesu social y cultural al que tendremos que nos enfrentar. Nuna conferencia de 1974 titulada El so ecoloxismu y el nuestru, André Gorz afirmó: “Esta cayida nel crecimientu y la producción, que pudiera ser bona n’otru sistema, (menos coches, menos ruiu, más aire, xornaes llaborales más curties, etc.) va tener efeutos dafechu negativos: la producción contaminante va convertise nun productu de lluxu fuera del algame de les mases, anque va siguir tando al algame de quien se lo pueda permitir; les desigualdaes van crecer, los probes van ser relativamente más probes y los ricos, más ricos”.

El decrecimientu namái pue tenese en considerancia nuna “sociedá de decrecimientu”, esto ye, como parte d’un sistema basáu n’otra lóxica. L’alternativa ye, poro, decrecimientu o barbarie. Una sociedá qu’escueya vivir con sobriedá como suxeren aquellos que tán en contra de les sociedaes de crecimientu, implicaría trabayar menos pa vivir meyor, consumir menos pero meyor, producir menos residuos y reciclar más. En poques pallabres, recuperar el sentíu de proporcionalidá y una buelga ecolóxica sostenible. Buscar la propia felicidá na interaición social y non na acumuladura frenética. Too esto rique una seria descolonización de les nueses mentes, pero les circunstancies pueden ayudanos a consiguilo. Los adictos al sistema van dicir que yá nun volverán dir de vacaciones a Les Seixeles. Van tener que conformase. La edá d’oru del consumismu en quilómetros quedó atrás. El deséu de viaxar y la necesidá d’aventura tán, ensin dulda, inscrites na esencia del home y son fontes d’arriquecimientu que nun tendríen de sumir, pero la industria del turismu convirtió’l llexítimu interés y la investigación educativa nuna industria de consumu destructiva. Lo mesmo-y asocedió a la cultura y el texíu social de los países “de destín”. El viciu de viaxar cada vez más llueñe, más rápidu, más de cutiu (y siempres colos precios más baxos) tien de reconsiderase a la baxa. Énte la falta de petroleu y el desequilibriu climáticu, los viaxes van ser cada vez más cerca, menos frecuentes, más lentos y más costosos en dineru. Por dicir la verdá, esti viciu ye tan serio namái pol vacíu y el desencantu que nos fai vivir cada vez más virtualmente y viaxar, en realidá, a cuenta del planeta.

Woody Allen dixo que lleguemos a una bifurcación decisiva. Un camín llévanos a la estinción de la especie y l’otru a la desesperación. Añede: “Espero que síamos capaces de tomar la decisión correuta”. La primer esviadura ye’l que tomemos. El segundu ye’l del crecimientu negativu que xenera fame, guerres, pandemies y que probablemente ta controláu por un poder ecofascista o ecototalitariu, del que les sos premises tamos yá esperimentando. El decrecimientu representa una tercer vía: escoyer la sobriedá. Pa eso tenemos que crear otra manera de rellacionanos col mundu, cola naturaleza, coles coses y los seres que pueda ser universalizada nuna escala humana. Les sociedaes que autolimiten la so capacidá pa producir tamién son sociedaes allegres.

Tornáu al asturianu por Vítor Suárez

1. Primacía de la vida social frente a la lóxica frenética de la producción, el consumu y la competitividá. Ye difícil imaxinar qu’esa primacía tea afitada si primero nun fuimos quien a salir, dafechu, del capitalismu.

2. Fuelgu creativu frente a les formes d’ociu, siempre arreyaes al dineru y el consumu, que se mos ofrecen per dayuri. Nesi sen, el decrecimientu supon una crítica radical de la mayoría de les formes asumíes pola industria cultural que mos acorvia en toes partes.

3. Repartu del trabayu, una vieya y clásica demanda sindical qu’infelizmente perdió puxu col pasu del tiempu, como si’l “sálvese quien pueda” calistrare dafechu na práutica cotidiana de los sindicatos.

4. Afitamientu d’una renta básica de ciudadanía -un ingresu mínimu que beneficie a toos- p’atender a los problemes innegables, que se revelarán al amparu d’un programa de decrecimientu. La de la renta básica ye, amás, una propuesta lóxica, en reconociendo’l derechu a esistir: ha de se garantizar esi derechu, reconociendo otros que-y dean sentíu plenu.

5. Reducción del tamañu de munches de les infraestructures productives, alministratives y de tresporte. La globalización capitalista, na so dimensión de proyeutu claramente centralizador y mastodónticu, fexo posible un crecimientu irracional del tamañu de les infraestructures, sovencionaes con recursos públicos en provechu de los intereses y de los beneficios d’una minoría.

6. Recuperación de munchos de los elementos de la vida llocal frente a, una vegada más, la lóxica de la globalización en cursu. Esa recuperación ha de fincar nuna demanda de descentralización y “descomplexización”, y ha de traducir nun renacer de la vida rural frente a les megalópolis forxaes nos decenios últimos. Ente les consecuencies d’esti procesu tarán; la reapaición de fórmules de democracia direuta (como’l conceyu abiertu) y l’autoxestión (la casería).

7. Nel terrén individual, la sobriedá y la cenciellez voluntaries, dos elementos carauterísticos de la vida de munchos de los nuestros antecesores que fueron lliteralmente afaraos pol contrasentíu del capitalismu y de les sos regles. Nun ta de más incluyir nesti terrén la defensa de proyeutos que faen de la lentitú -la educación lenta, la comida lento- un aspeutu poderosu y saludablemente articulador de la vida social recuperada. “La velocidá ye la cara oculta de la riqueza” (Paul Virilio)

Torna al asturianu por Vítor Suárez

L’asociación Iniciativa pol Asturianu va presentase esti sábadu 17 d’avientu (17/12/2011) nel salón d’actos de la Biblioteca d’Asturies, n’El Fontán, Uviéu. L’actu va consistir nuna pequeña gala con intervenciones, proyección d’audiovisuales y actuaciones musicales, amás d’otres sorpreses.

Iniciativa pol Asturianu ye una organización que ñaz pa implicar a tola sociedá asturiana nel procesu de recuperación y normalización del asturianu, y que va trabayar tanto col sector públicu como col priváu a la busca de nuevos espacios de normalidá pal idioma asturianu. L’asociación entama la so actividá pública dempués de dellos meses de trabayu discretu pa xenerar una estructura, crear la so páxina web, materiales y dir xenerando una rede de voluntariáu a lo llargo de tol territoriu asturianu.

L’actu va presentalu la periodista Mariluz Pontón y nél va poder sentise la música de Mariluz Cristobal Caunedo “la dama de la canción asturiana”, amás de Tante Blanco, ex miembru de Los Berrones. Habrá tamién espaciu pal humor, de la mano del monologuista Lluis Antón González, perconocíu pol so trabayu na TPA. Xunto a estos elementos más lúdicos, presentaránse les idees básiques del colectivu y, amás, participarán delles personalidaes de diferentes estayes de la sociedá asturiana: educación, medios de comunicación, arte y cultura… Nel actu espérense delles sorpreses que la organización entá nun desveló.

La gala va entamar a les siete la tarde y ta abierta a tolos interesaos, de baldre. En terminando, hacia les nueve, va celebrase una folixa nel chigre uvieín L’Esperteyu, asitiáu en La Caleya la Ciega.

Esti sábadu que vien, 17 d’avientu, vémonos n’Uviéu na presentación pública del coleutivu na Biblioteca pública d’Asturies (El Fontán).

Recordái siguinos en Facebook y Twitter @inciativaxAST

Dirémos dando más información.