Campaña pol usu del asturianu nel comerciu

Dellos establecimientos vienen de sofitar la campaña de la desapaecida “Conseyería de Cultura, Comunicación Social y Turismu” (yá qu’anguaño Cultura ta inxerta na Conseyería d’Educación y Deporte) pol usu del vocabulariu n’asturianu nel comerciu d’alimentación.

La campaña, dirixida al veceru consumidor de frutes, plantes y hortalexes diz lo viniente:

La xente d’Asturies tenemos un vocabulariu bien ricu pa referinos a la fruta de los nuestros árboles y plantes/les plantes de güerta de les nuestres lloses. Son les pallabres de tola vida. Siempre nos entendimos con elles, ¿por qué dexar d’usales?

Na to tienda, nel to supermercáu: nun olvides les palabres asturianes de siempre. Son tamién marca de calidá asturiana.

El casu ye que la campaña ha de ser vieya y deben tar dándo-y salida agora. Tampoco supon munchu compromisu por parte del comerciante, yá que namás consiste n’encolingar na entrada unos cartelinos y tener a disposición del veceru unos cartafueyos con dichos nomes. En nengún momentu hai cambeos na propia rotulación del comerciu.

Dende esti blogue animévos va unos meses a solicitar a Alimerka l’usu del asturianu y estes selmanes tán collaborando nesta campaña de promoción pero ensin dar exemplu na so cartelería y nos sos cartafueyos publicitarios. Agora quiero facer lo mesmo, afalándovos a reclama-yos mayor compromisu a tolos comercios que tean participando.

Darréu asoleyo un llistáu pequeñu d’establecimientos d’Uviéu y la so direición de contautu (pa enantalu con otros agradezo que vos pongáis en contautu conmigo):

- Alimerka

-Horno San Honorato (info@hornosanhonorato.es)

- Autoservicio Bori

Posts rellacionaos:

1. Modelu de solicitú a Alimerka Supermecados pal usu del asturianu

2. Cartelu n’asturianu de la campaña “Soi lo que como”

Los cinco posts del añu en Fueya en blanco

Darréu presento un resume de lo más visitao del añu nesti blogue. Tien una utilidá perimportante, per un llau, sírveme a min como blogueru pa saber qué ye lo qu’interesa y per otru fai una remembranza de los asocedíos y vindicaciones más importante de los últimos meses y recuperalos pal maxín.

1. Asturiano ¿lengua o dialecto?

Nun ye namái’l más lleíu d’esti añu, magar que lleva nel blogue yá dende 2008, sinón de tola hestoria del blogue nesta etapa nueva en wordpress. L’añu qu’entra toca da-y un par de vueltes p’ameyoralu.

2. Premios Príncipe de Asturias ¿Quién lo decidió y cuánto nos cuesta?

Llevo tiempo queriendo dar un giro al blog y en esta nueva etapa también voy a escribir artículos en castellano, el interés que suscitan estos temas para un público castellanohablante queda reflejado en que los dos posts más leídos sean es este idioma. Sicasí, tamién voi siguir ufriendo una versión n’asturianu y, asina, podéis lleelu en Glayíu, mediu col qu’entamé a collaborar (xunto con Qué ye ho!) esti 2012 que fina güei.

3. Modelu de solicitú a Alimerka Supermecados pal usu del asturianu

Post vindicativu, con cierta repercusión nes redes, pero que nun llegó a cumplir el so oxetivu nin a sacar una contestación de dicha empresa. En 2013 va tocar siguir esixéndolo.

4. Resultáu de la reducción de conceyales n’Asturies

Nesti tiempu de retayos y reformes estructurales onde nada va volver a ser cómo yera, esti análisis de cómo afectaría a Asturies un amenorgamientu nel númberu de conceyales ye de lo más visto del añu. Anque tien versión en castellanu, nesti casu fuistis más los llectores qu’optastis por lleelu n’asturianu.

5. Españolizar

Les polémiques declaraciones del ministru Wert y la so reforma educativa, retrógrada y tardofranquista sirvieron p’asoleyar esti artículu en Qué ye ho! y nesti blogue onde tamién foi mui visitáu.

Esto ye lo más rescamplao del 2012 en Fueya en blanco. En 2013 más y meyor.

Premios Príncipe de Asturias: quién lo decidió y cuánto nos cuesta

Estos días van a celebrarse en Uviéu los actos de los Premios Príncipe de Asturias. Inmersos como estamos en un periodo de crisis-estafa -agravado por las salvajes medidas neoliberales del PPSOE- no se me ocurre mejor momento que este para sumar fuerzas y que los que hasta ahora fueron súbditos pasen a ser ciudadanos.

En un momento donde la sociedad se preocupa más que nunca por el destino del dinero público y los movimientos de los de arriba contra los de abajo, creo que nos corresponde a las gentes de la izquierda descubrir todos los dispendios y relaciones de poder que se encuentran tras estos premios. Quizás con ello consigamos que, personas que nunca se cuestionaron la institución o mismamente el marco constitucional, empiecen a hacerlo ahora. Esta es mi humilde aportación.

• Los Premios Príncipe de Asturias dependen de la Fundación privada de mismo nombre, constituída en septiembre de 1980 con un capital de 120.202,42 euros. Esta cantidad inicial la aportaron: la Caja de Ahorros, en un 50%; el Banco Herrero, la Banca Masavéu, la Caja Rural y un particular anónimo.

 

• Nació con el objetivo doble de estimular los trabajos científicos en España y Latinoamérica, y estrechar lazos entre el Príncipe de Asturies y el Principáu. Ya desde el inició se vendio su “proyección internacional” como indispensable para el futuro de Asturies y de España. En la firma del acta constitucional el presidente del Consejo Regional de Asturies; Rafael Fernández, senador por el PSOE, llegó a pedir “encarecidamente” a todos los diputados y senadores su asistencia a los actos.

 

• Al frente del Patronato de la entidad siempre han estado personas del mundo empresarial y financiero: Pedro Masaveu, Plácido Arango o José Ramón Álvarez Rendueles.

 

• El gasto en la organización y entrega de los Premios en estos treinta años es difícil de cuantificar: ni la parte privada, ni la pública. Sólo desde el año pasado la Fundación hace público su presupuesto. Ateniéndonos a esas últimas cifras la cantidad subvencionada este año asciende a 728.000€, no se sabe muy bien en concepto de qué, a lo que habría que sumar todo el gasto de seguridad que suponen los actos en los que intervienen miembros de la Casa Real y que hacen que los asturianos y asturianas vivamos en un auténtico estado policial, criminalizando cualquier intento de protesta.

 

• Estas aportaciones públicas proceden del Gobiernu del Principáu d’Asturies; quien mantiene un convenio con la Fundación por valor de 150.000€ anuales, a los que suma otros 211.185€ de la partida presupuestaria relativa a “Promoción cultural y bibliotecas”. El resto, lo aportan los ayuntamientos de Uviéu, Xixón y Avilés, por los actos que allí se desarrollan.

 

• La Fundación sigue solicitando fondos públicos pese a que está teniendo superávit: 300.000€ en 2011 y un 23% más en 2010.

 

• Los ingresos privados de la Fundación proceden de las donaciones de las personalidades e instituciones que integran su Patronato y de los rendimientos de su patrimonio. Los espacios donde la Fundación desarrolla su actividad están cedidos, en muchos casos, por el Ayuntamientu d’Uviéu.

 

• A día de hoy cuenta con un patrimonio de 29.500.000 €.

 

Con todos estos datos, a modo de ejemplo, es fácil darse cuenta del negocio que existe detrás de este lavado de cara de la monarquía española que, desgraciadamente, lleva el nombre de Asturies.

Manifestación en defensa de la educación pública y de calidá

Vítor Suárez | Izquierda Xunida d’Uviéu

Ayeri participé na manifestación en defensa de la educación pública y de calidá que percorrió les cais d’Uviéu. Como futuru docente considero escandalosos los recortes na Educación Pública, correxíos y aumentaos nos Presupuestos Xenerales del estáu pa 2013, la xuba brutal de tases académicas o l’endeldamientu obligáu de los estudiantes pa sufragar los sos estudios lo que que supon un ataque ensin precedentes al derechu universal a la educación.

Dende Izquierda Xunida d’Uviéu y la estaya de Mocedá denunciamos tamién la imposición d’una llei orgánica educativa nueva (la LOMCE) de corte mercantilista y tardofranquista, qu’inclúi hasta trés reválides segregadores con torgues nueves p’acceder a la Universidá.

D’esta miente, alviértese tamién sobre la desnaturalización del sistema públicu educativu que, anque presenta graves problemes y nun llegó nunca a los niveles d’inclusión social de los estaos de la redolada, llograra importantes conquistes poles lluches del movimientu estudiantil y de la clas trabayadora p’avanzar nel so llexítimu derechu a una Educación Pública de calidá en condiciones d’igualdá.

Les y los estudiantes carecen, amás, los efeutos más nocivos de les polítiques d’abaratamientu del despidu, reducciones salariales, privatizaciones y destrucción del texíu productivu. Unos 1.500 asturianos y asturianes tienen qu’emigrar cada añu pa ganase la vida, cada mes continúen echándose n’Asturies de les sos cases a cásique 200 families mientres hai más de 72.000 viviendes vacíes y el paru xuvenil pasa yá del 49%.

La crisis-estafa impuesta por esti réxime antidemocráticu, onde los gobiernos elixíos sométense a los intereses de los mercaos financieros, aplicando midíes fuertemente antisociales, derivó nun espoliu organizáu y consentíu de recursos públicos. Ello esixe non solo plantar cara al desmantelamientu de servicios públicos esenciales como la Educación, sinón lluchar tamién por otra sociedá más xusta y democrática, onde’l derechu universal a la educación tea garantizáu pa toes y toos.

Por too ello, apoyé la convocatoria d’ayeri y el llamáu d’IU “a la comunidá educativa y a la ciudadanía nel so conxuntu a sumase a esta xornada nel marcu d’un procesu de movilización sostenida y unitaria de los distintos sectores sociales que tán siendo atacaos por continuos recortes de los sos derechos”.

Españolizar

Vítor Suárez | Qué ye ho!

Va unos díes el ‘probe’ Ministru Wert dicía que’l so enfotu ye “españolizar a los niños catalanes”. Tolos medios, les redes sociales y la sociedá saltaron de sópitu como si, d’esmenu, descubrieren la esistencia d’esi verbu. N’Asturies conocémoslu bien y l’Academia de la Llingua Asturiana defínelo asina:

v. Influyir colo español. 2 Volver español o [más] español. 3 Volvese español o [más] español. t. prnl.

Llamentablemente nesti país conocímos toles sos aceiciones y podríemos incluyir, por exemplu, toes estes:

Españolizar significa que’l bisgüelu de Rodrigo Rato suplique a la Real Academia Española l’amestadura de pallabres n’asturianu al so diccionariu de la llingua española.

Españolizar significa que’l DRAE defina al asturianu bable como dialeutu y qu’incluya, faciendo de so la propuesta d’Apolinar de Rato, decenes de pallabres del asturianu.

Españolizar significa que l’asturianu tea prohibío na escuela mientres el franquismu y los sos falantes seyan marxinaos, dexando anguaño un sentimientu d’autoodiu difícil d’esborrar.

Españolizar significa aprobar un Estatutu d’Autonomía pela vía lenta, ensin oficialidá y que, pa contra, ye recortáu en Madrid quedando fuera la consideración de llingua pal asturianu.

Españolizar significa amenazar col despidu a trabayadores por emplegar l’asturianu.

Españolizar significa nun llegalizar asociaciones por presentar la documentación n’asturianu.

Españolizar significa nun dirixir una tesis doctoral en llingua asturiana.

Españolizar significa desaniciar la esperiencia pilotu d’usu del idioma en TVE.

Españolizar significa negar la validez del votu nuna llingua reconocida estatutariamente y nun reconocelo formalmente hasta 2011.

Españolizar significa considerar que nun pue esistir una Llicenciatura en Filoloxía Asturiana porque “desde un criterio científico el asturiano no puede figurar como lengua en los planes de estudio”.

Españolizar significa que’l Tribunal Constitucional impugne la oficialidá nos conceyos.

Españolizar significa mandar a neños asturfalantes a educación especial por considerar que’l so cociente inteleutual ye más baxu o multalos.

Españolizar significa traducir conteníos al castellanu pa que l’asturianu nun se sienta na Televisión Pública d’Asturies.

Españolizar significa negar el derechu a declarar na llingua propia.

Españolizar significa sentenciar contra l’usu del asturianu por parte de los funcionarios.

Españolizar significa proponer lleis contra’l procesu de recuperación de la toponimia tradicional.

Españolizar significa nun permitir l’idioma asturianu nos plenos de los conceyos.

Etc, etc, etc…

Por suerte, l’Academia de la Llingua Asturiana, reconoz un verbu que la RAE y Wert desconocen: asturianizar.

[Artículu espublizáu en Qué ye ho! 18 d'ochobre de 2012]

A l’atención de la Señora Soraya Rodríguez

Vítor Suárez | Qué ye ho!

A l’atención de la Señora Soraya Rodríguez, diputada por Valladolid y portavoz del PSOE nel Congresu de los Diputaos:

Dende Iniciativa pol Asturianu venimos trabayando dende cásique va un añu pola normalización y dignificación de la llingua asturiana. Intentamos aconceyar con toles fuercies polítiques y la suya foi, xunto col PP, la única que nun mos respondió. Buscamos el consensu, refugamos el partidismu y la politización del idioma, pero col so partíu ta siendo imposible’l diálogu. Per otru llau, la Federación Socialista Asturiana-PSOE vien amosando toos estos años la so negativa, zarrada ya innegociable a dar una solución al vulneramientu de los derechos llingüísticos de los asturianofalantes, ello ye, a aprobar la oficialidá del asturianu. Dalgo qu’ensin el sofitu d’esta fuercia de gobiernu n’Asturies ye dafechu imposible.

El 4 d’ochobre pasáu, nunes declaraciones a TVE, usté rescampló que “nun hai problemes de cooficialidá de llingües” y que ye dalgo “bien resuelto”. Pos bien, dende Iniciativa pol Asturianu queremos poner nel so conocimientu que nun ye asina. Esiste una delda histórica pa colos ciudadanos y ciudadanes d’Asturies -y una bona parte de los de Lleón y Zamora- en materia llingüística. Una ciudadanía qu’añu tres añu pide la oficialidá del so idioma nes cais y se-y ñega. El so partíu nun pue zarrar los güeyos énte esta discriminación, nun pidimos nin más nin menos que los derechos que tienen los ciudadanos d’otres comunidaes autónomes del estáu. Pidimos-y, poro, al igual que fixo usté al Ministru Wert, que nun faigan ideoloxía d’esti tema nin utilicen la xida de la crisis pa nun reconocer la cooficialidá de la llingua asturiana.

Esperamos la so rempuesta. Un saludu y munches gracies.

Vítor Suárez
Vicepresidente d’Iniciativa pol Asturianu

http://vitorsuarezp.wordpress.com/

Si queréis ponevos en contautu tamién cola diputada, esti ye’l so corréu públicu del Congresu:

soraya.rodriguez@congreso.es

[Artículu espublizáu en Qué ye ho! 10 d'ochobre de 2012]

Participación nel Conseyu Asesor de la Llingua de Xixón

Vítor Suárez | Iniciativa pol Asturianu

Dende la Conceyalía de Cultura del Ayuntamientu de Xixón, convidóse a Iniciativa pol Asturianu a participar d’una xunta del Conseyu Asesor de la Llingua Asturiana de Xixón y asina lo ficimos el pasáu martes 25 de setiembre. Darréu voi facer un breve resume de la mesma destacando la voluntá, espresada por unanimidá nel Conseyu, d’incluyir nesti muérganu a toles asociaciones que tamos trabayando polos derechos llingüísticos en Xixón y n’Asturies.

El Conseyu Asesor taba compuesto, hasta agora, poles siguientes persones:

- Presidente/a: L’Alcalde/sa o Conceyal/a en quien delegue (nesti casu’l Conceyal de Cultura, Carlos Rubiera).

- Vicepresidente/a: Un vocal nomáu per mayoría dientro del Conseyu Asesor de la Llingua, quien exercerá les funciones de Presidencia de nun tar el/la Presidente/a.

- El/la responsable de la Oficina Municipal de la Llingua que fadrá de secretariu/a, con voz y votu, quien llevantará acta de les sos sesiones y que tamién tendrá que mirar pol correutu funcionamiento alministrativu del Conseyu.

- Un/a representante de cada Grupu Políticu del Conceyu.

- Un/a representante del Principáu d’Asturies, al traviés de la Conseyería competente acordies cola materia.

- Un/a representante del Conseyu de la Mocedá de Xixón.

- Un/a representante de la Academia de la Llingua Asturiana.

- Un/a representante de la Federación d’Asociaciones de Vecinos de Gijón/Xixón.

- Un/a representante de la Federación d’Asociaciones de Vecinos de la Zona Rural de Gijón/Xixón.

- Un/a representante de la Unión Comarcal de Comisiones Obreres de Gijón/Xixón

- Un/a representante de la Unión Comarcal de la Unión Xeneral de Trabayadores de Gijón/Xixón.

- Un/a representante de la Unión Comarcal de la Unión Sindical Obrera de Gijón/Xixón.

- Un/a representante de el Sindicatu Unitariu y Autónomu de Trabayadores de la Enseñanza d’Asturies.

- Un/a representante de la Unión de Comerciantes de Gijón/Xixón.

- Un/a representante de la Asociación d’Hostelería de Gijón/Xixón.

Toos estos representantes son los escoyíos, según afiten los estatutos, p’asesorar al Conceyu na fechura de la política llingüística. Agora bien, el puntu conflictivu d’estos estatutos y pol que se convidó a les asociaciones que trabayamos específicamente nel ámbitu de la defensa del idioma ye’l que vien darréu:

- Dos persones de reconocíu prestixu y dedicación a los llabores rellacionaos coles funciones del Conseyu, nomaes pola Alcaldía; una de les persones de reconocíu prestixu sedrá escoyida ente tres persones propuestes poles asociaciones. En dambos casos van designase per parte de los muérganos que desarrollen funciones venceyaes a los oxetos del Conseyu. Estos dos últimos casos propondránse por asociaciones que tengan por oxetu los finxos conseñaos na cláusula anterior.

Iniciativa pol Asturianu sumóse, xunto a les demás organizaciones, a la propuesta d’una nueva redaición de los estatutos na que se-yos dea voz y votu n’igualdá de condiciones a toles asociaciones. Asina, pasaríase de tener dos representantes en total a un mínimu d’unu por organización lo que-y daría más pluralidá al Conseyu Asesor.

D’esta miente, vamos collaborar nesta redaición nueva coles nuestres propuestes y afalando a tola militancia a presentar les consideraciones qu’estimen oportunu.

Nesti primer conceyu nel que participó la organización, los representantes d’Iniciativa pol Asturianu ficimos llegar tamién delles intervenciones, ente elles, reclamar al Conceyal de Cultura -responsable de les competencies de Política Llingüística- que dea avisu a la empresa de tresporte del conceyu, EMTUSA, pa que los autobuses vuelvan a usar la toponimia oficial, yá que la mesma desapaeció de les sos cabeceres nos meses últimos. Tamién ficimos un pidimientu pa que’l festival Xixón de Sidra recupere’l topónimu “Xixón” y use l’asturianu, yá que na promoción de la edición que van entamar dientro de pocos díes yá se tán viendo pasos atrás nel usu del asturianu y a lo último amosamos el nuestru enfotu de participar na redaición d’un plan nuevu de normalización del asturianu nel conceyu.

Dende’l Conseyu espresóse tamién la voluntá de siguir convidándonos a toles próximes xuntes y aceptamos gustósamente’l brinde, yá que consideramos que ye un foru nel que ye imprescindible la nuestra presencia.